استاذ محمد شاف الفيديو بتاع عملية الليزر بتاعته اللي عملناها من شهر ع الفيسبوك

وعجبه الفيديو والمونتاچ .. مش مهم العمليه 😂

ماهو انا اللي بعمل العمليه وانا اللي بعمل المونتاچ 🙏🏻😂

ف طلب نتصور الصوره الحلوه دي .. ونحطها ع الفيس

اعتقد دي احسن من الفيديو
حمدالله علي سلامتك يا عم محمد 😍❤️ ...

الشياكه يعني عم صابر 😍

تلاقيني كده برتبط بالمرضي ونبقي اهل.. عشان احنا فعلا اهل وأصحاب .. طبعا المقامات محفوظه يا عم صابر 🙏🏻

ف لما يكون معدي من جنبي .. ييجي يسلم عليا

مش شهرين كده .. حصل قرحه في صباع رجل عم صابر .. وقلبت ب #قدم_سكري
بسبب تشوه في شكل الصباع
وكان علي وشك انه يعمل بتر 🙆🏻‍♂️

الحمدلله ربنا هداني لعمليته اللي صلحنا فيها المشكله اللي كانت في صباعه
والقدم السكري خفت تماما بفضل الله
وحافظنا ع الصباع والقدم

وجالي زياره وهو ماشي طبيعي علي رجله 🙏🏻

واتصورنا الصوره الحلوه دي 😍 ...

الواتس اب مش مكان للكشف

ده وسيلة تواصل بين الناس .. لتسهيل التواصل
عشان الناس مابقيتش فاضيه ..

وهو الدكتور بيعمل ايه في الكشف يعني .. بيبص عادي .. خلاص هبعتله صوره .. ويشوفها ويقولي
وابقي وفرت المشوار وفلوس

والله لو هيا كده … كنت عملت الكشف اون لاين بفلوس كتير .. وكنتوا هتدفعوا والله .. وأكسب كتييير 🥳

بدل الجري ع العيادات والمستشفيات ..
في وقت فراغي .. ارد ع الواتس اب واخد فلوس كمان .. دي حاجه حلوه جدااااا 🥳

والناس هتدفع عادي .. اسمعوا مني 🙋🏻‍♂️👌
هما بيدفعوا كده ف اماكن تانيه 😉

بس ده ممكن يحتمل الخطأ .. لأن سماع المريض وسماع التاريخ المرضي وفحصه بالعين واليد .. اهم من العلاج نفسه

و ده اللي يخليني اشخص حالتك صح 👍
واعالجك صح
ف ماتستسهلش في صحتك 👌 ...

الحمد لله خبرة أكتر من ٤٠ سنة في علاج الدوالي بالليزر…

بدأنا قبل ما الليزر نفسه يبدأ 🙋🏻‍♂️😂😂

الكشف ب ٣ جنيه ✌️😂 ...

أنا اللي طلبت اتصور مع حضرة العمده 🙋🏻‍♂️😍
العمده مش عيان 🙏🏻
هو كان جاي مع اخته .. سند ليها
عشان كان عندها #فرط_التعرق
وعملنا العمليه .. وخفت بفضل الله 🙏🏻

ف أنا بصراحه .. انتهزت الفرصه .. وطلبت اننا نتصور ..
اتشرفت بيكم جدا
نورتنا يا عمده 🙏🏻😍❤️ ...